Изгорениот болид на Грожан ќе биде главна ѕвезда на Ф1 изложба

Ромен Грожан успеа да помине без потешки повреди по големиот инцидент на Формула 1 трката во Бахреин во 2020 година, а уништениот болид сега ќе биде дел од најновата изложба организирана од Ф1.

Шасијата од болидот на која е фиксирана и „хало“ заштитата останале во добра состојба и сега ќе бидат претставени пред фановите, од кои најголем дел во еден момент стравуваа за животот на Французинот.

– Шасијата се уште е во еден дел, хало системот е таму, па и покрај оштетувањата од оганот, останува во првичната положба. Веројатно тоа и ми го спаси животот, – вели Грожан како дел од промоцијата на изложбата.

Тогашниот член на Хас ја загуби контролата на болидот уште во првиот круг и заврши во заштитната ограда, по што се појави и пожар од кој за среќа пилотот се извлече со минимални повреди.

36-годишниот Французин сега се натпреварува во ИндиКар серијата.