Идрис Елба: Мислам дека сум престар за 007

Британскиот актер Идрис Елба смета дека е веројатно премногу стар за да го глуми Џејмс Бонд. 49-годишниот актер претходно медиумите го споменуваа како можна замена за Даниел Крег, но Идрис сега мисли дека неговиот прозорец на можности можеби е веќе затворен. Прашан за можноста да биде Бонд, Идрис објасни: „Оваа година ќе наполнам 50 години. Да речеме дека сте се пријавиле за три филма – никој не сака да го гледа Бонд како брка или тепа момци кога има 60. Веројатно сум премногу стар за да ја преземам улогата сега“. И покрај ова, актерот роден во Лондон сепак би сакал еден ден да се појави во филм за 007. Во интервју за „Сан он сандеј“, тој вели: „Ако има шанса да се вклучам и улогата да ми одговара, зошто да не? Би било супер да се биде негативец во филм за Џејсм Бонд“.