Идниот Џејмс Бонд би можел да биде небинарен, вели продуцентот

Даниел Крег се откажа од портретирањето на тајниот агент 007, иако продуцентката Барбара Броколи ги отфрли сугестиите идната верзија на ликот да ја глуми жена, таа призна дека е можно улогата да му припадне на некој кој се идентификува себеси како небинарен род, односно дека не е ниту машки ниту женски. Во поткастот Girls On Film, водителката Ана Смит ја праша Барбара дали мисли дека 007 секогаш ќе биде машко и таа одговори: „Да, затоа што мислам дека не би требало да снимаме филмови во кои жените глумат мажи.“ „Мое мислење е дека треба да правиме повеќе филмови за жените. Сметам дека Бонд треба да биде маж“. Но, кога Ана предложи „Небинарен род, можеби, еден ден?“, таа одговори: „Кој знае? Мислам дека е отворено како опција. Само треба да го најдеме вистинскиот актер“. Продуцентката потврди дека следниот Бонд не мора да биде белец. „Сакаме актерот да биде Британец, а Британец, како што знаеме, може да биде многу тоа“, рече таа. Хенри Кавил, познат по својата улога во „Супермен“, неодамна се претстави себеси како потенцијален Бонд и рече дека би му било чест да разговара со продуцентите. И Хенри Голдинг претходно откри дека му е чест што го поврзуваат со култната улога и нагласи дека е вистинско време за Бонд кој не е бел. „Јас сум Азиец и сите се борат за диверзитетен Бонд – извинете, белци“, рече тој во една пригода. Други имиња што се споменуваа во медиумите како можни кандидати се Том Харди, Идрис Елба, Реге Жан Пејџ и Пол Мескал.