Играч на Емполи го истрола Влаховиќ: Ти вредиш 80 милиони евра?

Јувентус нема по добро да го памети вчерашниот ден во кој остана без десет бодови по новата одлука, а потоа доживеа и тежок пораз на гостувањето кај Емполи од 4-1. Ова дефинитивно е нов удар за „бјанконерите“ кои имаа многу турбулентна сезона како клуб, екипа, но и самите играчи. Еден од оние кој се мачи со формата е Душан Влаховиќ кој почна да биде на мета и на противничките играчи, па така Лијам Хендерсон го истрола српскиот репрезентативец, Шкотланѓанецот влезе во игра во 78 минута, но и тоа беше доволно да се закачи со напаѓачот на Јувентус на кого во еден момент му порача: -Ооо, 80 милиони, 80 милионо, -велеше Хендерсон алудирајќи на фактот дека Душан не ги оправда очекувањата во досегашниот престој во Торино.