Играч на Арсенал побарал да си замине откако беше изоставен од дербито со Јунајтед

19.08.2025 Avgust Vtornik

Арсенал не одигра најдобар натпревар, но сепак успеа да победи на гостувањето на „Олд Трафорд“, и тоа во услови кои не беа воопшто лесни за избраниците на Микел Артета.

Мотивираните избраници на Рубен Аморим се покажаа во далеку подобро светло од лани и најавија подобри денови за фановите на Јунајтед, но Арсенал успеа да поведе од прекин, а потоа грчевито се бранеше и успеа да ја задржи минималната предност.

Артета на овој натпревар им даде шанса на летните засилувања Ѓекереш и Зубименди во стартната постава, но со некои свои одлуки, испрати и јасни сигнали до играчи кои ќе имаат помала минутажа.

Јакуб Кивиор покажа добри перфоманси на крајот на минатата сезона, но во ситуација кога Габриел и Салиба се повторно фит, тој сега не е ниту трет избор поради ангажманот на Москера.

Поради тоа, Кивиор вчера не беше во комбинација за настап за дербито, а денеска англиските и португалските медиуми информираат дека тој побарал трансфер до крајот на преодниот рок.

Дефанзивецот очигледно е свесен дека има најмалку тројца играчи кои се пред него за иста позиција, па во овој момент, се поизвесно е дека Порто е клуб кој е во пол позиција за негов ангажман.