Ивановски со блескава партија до четвртфинале на турнирот во Грција

Македонскиот тениски ас, Калин Ивановски обезбеди место меѓу осумте најдобри на ИТФ фјучерсот во Ираклион (Грција) што се игра на тврда подлога за награден фонд од 15.000 долари.

Ивановски за ривал во осминафиналната рунда го имаше Марлон Ванкан од Германија, противник на кого му одржа лекција за нешто повеќе од еден час игра. Македонецот славеше со 6-3 и 6-1 и на тој начин закажа пресметка со 18-годишниот Јакуб Ницод од Чешка кој во моментов е на 1714 место на АТП листата.

Ова значи дека Калин ќе влезе како фаворит во мечот, односно има голема шанса да го гледаме во самата завршница на турнирот во Грција.