Ивановски немаше одговор за Сун во Монастир

Македонскиот тенисер, Калин Ивановски претрпе пораз во првото коло на ИТФ фјучерсот во Монастир, Тунис.

Калин за ривал го имаше Фаџинг Сун од Кина, битка во која Македонецот не се прослави и двата сета ги загуби убедливо со 6-1 и 6-1 на теренот број четири.

Сега на Ивановски му останува настапот во двојки каде соработува со 23-годишниот Борис Бутилија од Србија.Ова е турнир кој се игра за награден фонд од 15.000 долари.