Ивановски не ја мина втората пречка во Тулуз

Македонскиот тенисер Калин Ивановски го заврши настапот на турнирот во Тулуз со пораз во второто коло.

Ивановски не успеа да ја помине втората пречка, а тоа беше послабо рангираниот британски тенисер Хари Венделкен.

Венделкен бил убедлив во првиот сет, кој го добил со 6:1, по што Ивановски успеа да го подигне нивото и да го одведе вториот сет во драматичен финиш.

Истиот беше решаван со тај-брејк, а Венделкен сепак бил поуспешен со резултат 7:4 за конечни 2:0 во сетови.

Со тоа, Македонецот го заврши настапот на турнирот со награден фонд од 25.000 долари и тоа во осминафиналето.