Ивановски не го изненади првиот носител во Монастир

Македонскиот тенисер, Калин Ивановски не успеа да го изненади првиот носител Скандер Мансоури на фјучерсот што се игра во Монастир, Тунис.

Домашниот рекет кој е 256 на АТП листата и далеку поискусен од Калин (763) славеше со 2-0 во сетови по скоро еден ипол час игра на теренот број еден. Тунижанецот го доби првиот сет со 6-4, додека во вториот за нијанса беше поубедлив и со 6-3 обезбеди место во осминафиналето.

Овој турнир се игра за вредност од 15.000 долари.