Ивановски имаше успешен почеток на новиот турнир во Тунис

Македонскиот тенисер, Калин Ивановски ја оствари првата победа на новиот фјучерс кој се игра во Монастир (Тунис) за вредност од 15.000 американски долари.

Калин како осми носител беше подобар од квалификантот од Словачка, Лукас Палович со 2-0 во сетови. Првиот сет беше далеку понеизвесен и беше решен во десет гејма со 6-4, додека во вториот нашиот ас го потврди триумфот со сигурна игра со 6-2.

Во следната рунда Ивановски ќе ги одмери силите со 27-годишниот Адам Мундир (Мароко) кој е на 688 место на АТП листата.