Ивановски и Хусеиновиќ не ги изненадија вторите носители во Сетубал

Калин Ивановски имаше успешен старт во поединечна конкуренција на фјучерсот во Сетубал, но во игра на двојки заедно со Елдин Хусеиновиќ не успеаа да направат изненадување против вторите носители Треј Хилдебранд и Ноа Шахтер.

Американците се прикажаа во подобро светло на теренот број два и по еден час игра обезбедија четвртфинале на турнирот што се игра на тврда подлога за награден фонд од 25.000 долари.

Првиот сет беше неизвесен, возбудлив и истито заврши со 7-5 за фаворитити кои потоа со 6-1 го затворија мечот.

Настап пак во Куршумлијска Бања имаше Шендрит Деари кој во два сета (6-0, 6-4) доживеа пораз од седмиот носител, Петр Нестеров од Бугарија.