Ивановски без загубен сет до полуфиналето во Австрија

Калин Ивановски славеше над уште еден домашен тенисер и заслужено се најде во полуфиналето на Фјучрсот во Крамзах, Австрија.

Најдобриот македонски тенисер го победи поискусниот Сандро Коп со 2:0 во сетови, добивајќи го првиот сет во тај-брејк и вториот со 6:4 за пласман во следната рунда.

Противник на Ивановски во полуфиналето ќе биде победникот од германско-францускиот дуел меѓу Руланд и Ерард.

Македонскиот претставник денеска игра и во дубл и тоа заедно со сонародникот Елдин Хусеиновиќ, a македонскиот тандем во четвртфиналето ќе се сретне со американската двојка Бајбел-Венс.