И новиот шпански селектор го „избриша“ Рамос, стоперот стави крај на репрезентативната кариера: Им з

И новиот шпански селектор го „избриша“ Рамос, стоперот стави крај на репрезентативната кариера: Им завидувам на Меси, Модриќ…Ѕвездата на Пари Сен Жермен, Серхио Рамос нема повеќе да го гледаме во дресот на шпанската фудбалска репрезентација.

Стоперот веќе некое време не беше дел од националниот тим, но се надеваше дека со доаѓањето на новиот селектор Луис Де Ла Фуенте ќе се променат работите и ќе може одново да ги брани боите на националниот тим. Меѓутоа ветеранот не е во плановите на Де Ла Фуенте кој лично ова му го соопшти на Серхио по што овој се реши да стави крај на импресивната репрезентативна приказна во која беше дел од тимовите кои триумфираа на Европските првенства во 2008 и 2012 година и на Светското првенство во 2010 година.

-Дојде време. Време е да се збогувам со репрезентацијата на Шпанија. Ова утро, добив повик од сегашниот главен тренер кој ме извести дека не сум и нема да бидам дел од неговите планови, без разлика на тоа како настапувам или што правам во мојата кариера. Со тешко срце, тоа е крајот на патот за кој се надевав дека ќе се протега понатаму и што ќе заврши со подобар вкус во устата.

-Искрено верувам дека ова патување заслужуваше да заврши по сопствен избор или затоа што моите настапи не беа на ниво достојно за нашата репрезентација. Бидејќи возраста само по себе не е доблест или дефект; Тоа е само број што не е нужно поврзано со перформансите или способноста. Се восхитувам и им завидувам на играчите како Модриќ, Меси и Пепе. За жал, нема да биде така за мене затоа што фудбалот не е секогаш фер и фудбалот никогаш не е само фудбал.

-Доаѓам со незаборавни сеќавања, сите титули за кои се боревме и ги славевме заедно и огромната гордост што ја чувствувам како играч со најмногу настапи за Шпанија на сите времиња. Овој грб, овој дрес и овие навивачи, сите вие ме направтре среќен. Моја срдечна благодарност до сите вас кои верувавте во мене, -порача Серхио во својата порака.

Последниот меч на дефанзивецот за Шпанија беше на 31 март 2021 година против Косово.