„Златните глобуси“ оваа година без славни презентери

Годишната церемонија на доделување на наградите „Златен глобус“ се одржува на 9 јануари во хотелот „Беверли Хилтон“, но според „Вараети“, ниту една позната личност не се согласила да учествува на настанот. Холивудското здружение на странски новинари (HFPA) претходно беше на удар на критики поради недостигот на застапеност на Афроамериканци меѓу своите членови, па дури на социјалните мрежи беше поведена и кампања Time’s Up („Времето истече“) за да се нагласи проблемот. Организаторите на настанот во е-пошта испратена до неколку рекламни агенции наведоа: „’Златните глобуси’ ќе продолжат со мал настан на 9 јануари, кој не само што ќе ги награди најдобрите телевизиски и филмски изведби за 2021 година туку и ќе ја препознае важноста на поддржување разни креативци во индустријата“. „Настанот оваа година ќе прослави и ќе им оддаде почест на разни разновидни програми, кои ги охрабруваат инклузивните филмаџии и новинари да ја следат својата раскажувачка страст“.