Засилувањето на Јунајтед од летниот преоден рок задоволно од стартот на новата авантура

05.10.2021 Oktomvri Vtornik

Екипата на Манчестер Јунајтед значително го засили својот состав во летниот преоден рок ангажирајќи ги Кристијано Роналдо, Џејдон Сначо и Рафаел Варан.

Францускиот стопер пристигна од редовите на Реал Мадрид за сума од 42 милиони фунти и засега прикажува солидни партии во дресот на „ѓаволите“ иако речиси на секој натпревар примаат гол од противниците.

И самиот Варан истакна дека е задоволен од стартот на сезоната во Манчестер Јунајтед посочувајќи дека ужива со задоволство на „Олд Трафорд“.

– Многу сум среќен со стартот на новата авантура. Премиер лигата е лига позната по својот интензитет. Има поинаква атмосфера, поинаков генерален менталитет во фудбалот. Различен пристап и дефинитивно поинакво искуство за мене.

– Уживам додека играм, излегувам од мојата комфорт зона и наоѓам нова зона на удобност со моите нови соиграчи, -изјави Варан за „Л’Екип“.