Започнува турнирот на медиумите во организација на „Спортското радио 90,3“

29.10.2024 Oktomvri Vtornik

Денеска пред платото на ТЦ Бисер во населбата Аеродром во Скопје започнува 32. издание на Турнирот на медиумите во мал фудбал во организација на Спортското радио 90.3 фм.

На првиот ден од турнирот ќе ги проследиме натпреварите во мал фудбал 3х3 меѓу македонските РТВ куќи кои годинава ќе настапат на манифестацијата, а тоа се составите на Сител, Канал 5, Алфа ТВ, МРТВ, Телма и Спортско радио 90.3 фм.

Според распоредот на натпреварите денешната дружба и фудбалски натпревар стартува во 11 часот со првите два ревијални натпревари на кој ќе настапат најмладите од основните училишта на територијата на општина Аеродром, а потоа ќе следуваат многу интересни пресметки во двете групи меѓу медиумите, се до финалето кое е закажано во 15.30 часот.

Натпреварите ќе се играат на специјален терен за натпревари во мал фудбал 3х3 кој ќе биде поставен на платото на ТЦ Бисер. Утре вториот ден на турниот ќе има интернационален карактер на кој ќе се појават репрезентации составени од естрадни ѕвезди, поранешни фудбалери и спортисти, јавни личности од земјите од соседството, Србија, Хрватска, Босна и Херцеговина и секако Македонија.