Заморано го избра најкомплетниот напаѓач: Тој е подобар од Халанд и Мбапе

Сите вистински љубители на фудбалот многу добро го паметат Иван Луис Заморано Замора кој е еден од најдобрите чиленски играчи на сите времиња. Заморано повеќе од една деценија играше во Европа од кои најголемиот дел беа на највисоко ниво во Топ 5 лигите и тоа во клубови како Севилја, Реал Мадрид и Интер. Чилеанецот беше вистински гол мајстор, па од свој агол посочи кој денеска е најкомплетен напаѓач на денешницата. Многумина ќе ги споменат Ерлинг Халанд или Килијан Мбапа, но за Иван тоа е еден од хероите на Аргентинците на СП во Катар-Хулијан Алварез. -Тој е класичен централен напаѓач, денеска има многу малку. Кога ќе го споредам со другите напаѓачи, би рекол дека Алварез е најкомплетниот напаѓач на денешницата. Тој е играч кој прави се ‘како што треба’. Добро се извлекува на крилата од кои одлично влегува во средината. Тој е прв дефанзивец во тимот, врши притисок и се жртвува за тимот. Тој е многу добар со глава, шутира со двете нозе, а докажа дека е исклучително силен што особено го покажа на натпреварот против Хрватска. Затоа, ако го споредиме со сите напаѓачи во светот, би рекол дека тој е најкомплетниот напаѓач на денешницата. На пример, Халанд не е толку добар на крило, а Мбапе не се снаоѓа најдобро на позицијата „девет“. Хулијан може да ги покрие сите позиции во нападот, а покрај сето тоа, неговото срце го прави уште покомплетен, -порачува Замароно.