За првпат туристичко нуркање до остатоците на „Титаник“

Во текот на летните месеци, почнувајќи од месецов, „Оушнгејт“ планира да нурне во океанот до остатокот од бродот „Титаник“, кој потона откако удри во санта мраз во 1912 година, при што загинаа повеќе од 1.500 патници и членови на екипажот. Фирмата има намера да нурка 18 пати во текот на овој годишен петмесечен прозорец, земајќи секојпат со себе тројца патници или, како што ги нарекуваат, „граѓански научници“. Цената на билетот за патувањето е 125.000 долари, што опфаќа осумдневно пловење од Свети Јован, Њуфаундленд, во Канада, и еднократно нуркање од 6 до 8 часа.

Новата подморница „Титан“ ќе носи со себе пилот, научник-истражувач и тројца патници до остатоците на бродот, околу 3.800 метри под површината. Ако сè оди според планираното, тие ќе станат првите гости што го посетиле бродот во последните 15 години.

Подморницата „Титан“ е дизајнирана од „Боинг“ и НАСА, чиј труп е главно направен од јаглеродни влакна, со капаци од титаниум на едниот и на другиот крај. Предниот капак има централен акрилен преглед широк 53 сантиметри, со шанса да им овозможи на две лица да внимаваат истовремено – па затоа поткласот се нарекува Киклоп.

Подморницата може да патува со три јазли и да се спушта 50 метри во минута, со погон обезбеден од четири електрични помошни мотори. Опремата вклучува моќни светла за набљудување, камери со висока резолуција и ласерски скенер. Внатрешното снабдување со воздух се обезбедува на начин слично како во вселенските летала. Интересно е тоа што пилотот ја управува подморницата со модифициран џојпад на Плејстејшн 4. За време на нуркањето, патниците ќе можат да ги испитаат полето на бродоломот и остатоците, кои се расфрлани на 86 квадратни километри, како и да му помогнат на „Оушнгејт“ во комплетно да ја скенира целата локација на бродоломот – крајната цел е да се создаде фотореалистичен виртуелен 3Д-модел на бродоломот пред да го снема.

Компанијата вели дека рушевината на „Титаник“ рапидно се распаѓа и за неколку години комплетно ќе се распадне на дното на океанот.