ЗА ДЕСЕТТЕ КОНЦЕРТИ НА АДЕЛ ВО ГЕРМАНИЈА НАЈСКАПИОТ БИЛЕТ ЧИНИ 430 ЕВРА, ТРОШОЦИТЕ ЗА ОРГАНИЗАЦИЈА СЕ 100 МИЛИОНИ

17.07.2024 juli Sreda

Околу 740.000 луѓе се очекува да присуствуваат на 10-те концерти на суперѕвездата Адел во Минхен, соопштија организаторите на настанот.

Промоторот Марек Либерберг рече дека 95% од билетите се веќе продадени. Тој рече дека најевтините билети чинат 79 евра, а најскапите 430 евра.

Првично, се очекуваше вкупно 800.000 гледачи да присуствуваат на серијата концерти, 80.000 по концерт. Сепак, оваа бројка беше намалена поради безбедносните барања, рече Либерберг.

Британската поп-ѕвезда ќе пее 10 вечери помеѓу 2 и 31 август на сцената специјално дизајнирана и изградена за неа во саемот во Минхен. Менаџерот на Адел, Џонатан Дикинс, изјави дека целата работа ќе биде многу лична и уникатна. Пејачката всушност немала намера да настапува во Европа, рече тој, но проектот во Минхен ѝ го променил мислењето. Таа „не е уметник кој оди на турнеја за секој албум“, рече Дикинс.

Адел целиот период на концертите во Минхен ќе го помине со својот син, а пред концертите ќе има изложби со нејзини слики, и англиски пабови во кои ќе се служат нејзините омилени коктели.

Властите во Минхен нема да ги покријат трошоците од над 100 милиони евра за одржување на концертите, но очекуваат серијата да биде значајна инјекција за економијата на градот.

Клеменс Баумгартнер, шеф за економски прашања во Минхен, вели дека изложбите и прометот од угостителските објекти ќе му донесат 566 милиони евра на градот. Организаторите велат дека серијата концерти има невидени димензии и е единствена во Германија и Европа, можеби дури и во светот.

Тие исто така имаат за цел да влезат во Гинисовата книга на рекорди со најголемиот видеобим на сите времиња, со должина од 220 метри.