Жиру по „покерот“ на Милан: Голема победа, ова беше вистински момент…

Тимот на Милан го растури Динамо Загреб на нашите Стефан Ристовски и Аријан Адеми на вечерашната средба во хрватската престолна или поточно со триумфот од 4-0 се стави во добра позиција за пласман во осминафиналето на ова натпреварување.

„Росонерите“ дадоа еден гол во првото полувреме преку Габија за да во вториот го дотолчат ривалот со уште три погодоци од кои еден беше дело на Оливие Жиру.

-Голема победа, добро се подготвивме за оваа победа. Сакавме да започнеме силно со глад, добар пресинг и напади. Можевме да постигнеме повеќе голови, но јас сум многу среќен со овој резултат. Ова беше вистинскиот момент за нас да направиме ваков тип на настап и да го докажеме нашиот квалитет, но и нашата решеност да ја поминеме групната фаза, -рече Жиру кој можеше да даде повеќе голови во Загреб.

-Голманот многу добро ме познава, одиграв многу натпревари против него, имаше одличен настап иако победивме со 4-0. Ако не беше тој, можеше да дадеме седум или осум гола. Се обидов до крај да дојдам нарем до втор погодок, но тој имаше прекрасни одбрани. Среќен сум со пеналот и ми требаше овој гол за да ја зајакнам мојата самодоверба. Се чувствував добро, среќен сум за тимот, -заклучи Французинот.

Милан сега има 7 бода и секој резултат освен пораз против Салцбург го води во следната фаза на ЛШ.