Ељиф Елмас го пропушта полуфиналниот бараж за СП 2022!

14.11.2021 Noemvri Nedela

Македонија ќе мора без еден од најдобрите играчи во полуфиналето од баражот за Светското првенство (СП) во 2022 година, затоа што Ељиф Елмас доби жолт картон против Исланд и ќе паузира еден натпревар.

Фудбалерот на Наполи имаше акумулирани жолти картони од претходните натпревари, а со ова предупредување од италијанскиот судија Маса добива суспензија. Пред натпреварот, беше посочено дека Елмас ако пожолти ќе биде суспендиран на следната средба.

На оваа средба, против противник што дополнително ќе го добиеме, ќе го нема ниту Тихомир Костадинов, кој исто така го доби вториот жолт картон.

Полуфиналето и финалето во баражот се играат во месец март, а Македонија ќе го добие ривалот на ждрепка и ќе биде гостин на првата од двете пречки кон Мундијалот.