Ериксен се врати на зелените терени: Среќен сум што сум овде (Фото)

25.01.2022 januari Vtornik

Данскиот интернационалец, Кристијан Ериксен овие денови ќе биде во центарот на вниманието на фудбалската јавност затоа што се очекува да реализира трансфер по заминувањето од Интер.

Ериксен во моментов е без клуб, а откако му беше дадено зелено светло од докторите, тој сега е во потрага на нова средина каде ќе ја продолжи кариерата.

Како што стојат работите тоа ќе биде тимот на Брентфорд кој игра во Премиер лигата, а додека го реализира тој трансфер, фудбалерот тренира со младинскиот тим на Ајакс.

Ериксен е поранешен фудбалер токму на Ајакс и со задоволство ја прифатил поканата да ја одржува формата во овој голем холандски клуб.

– Многу сум среќен што сум овде. Ги знам луѓето во Ајакс, се чувствувам како да сум се вратил дома затоа што бев тука долго време. Сите терени ми се достапни и со младиот тим на Ајакс можам да тренирам на највисоко ниво. Ова е перфектна прилика за мене, сакам повторно да го давам максимумот, -заклучи Ериксен.