Ембид се врати во тимот, Бостон ја прегази Филаделфија (Видео)

Џоел Ембид го доби МВП признанието, но доживеа катастрофален пораз во камбекот во редовите на Филаделфија во втората рунда од плејофот.

Филаделфија настрада на гостувањето кај Бостон, кој го доби вториот натпревар со 121:87 и израмни во серијата, на големо задоволство на домашните фанови.

Победникот беше одлучен во третиот период кој Селтикс го добија со 35:16 и можеа да ги одморат стартерите во последниот период, а најефикасни биле Браун и Брогдон со 25, односно 23 поени.

Ембид го завршил дуелот со 15 поени, Херис бил најефикасен кај Фила со 16 поени, додека Харден, кој блескаше на првата средба, го завршил дуелот со 12 поени и 10 скокови.