Елмас: Утрешниот натпревар не е безначаен, оваа Македонија секогаш оди на победа

Елиф Елмас постигна фантастичен гол против Словенија и покажа дека е максимално мотивиран пред најголемото фудбалско случувања во историјата на нашата земја, па поради тоа доби шанса да се искаже пред медиумите во најавата за втората контрола пред Европското првенство. Македонија утре ќе тестира против Казахстан во последниот контролен меч пред заминувањето за Букурешт, а за разлика од изминатиот период, играчите повторно почувствуваа како е да се игра пред публика и да добиваат поддршка од трибините. – Прекрасно е чувството кога се игра пред публика. Како што кажав и претходно, Македонија секогаш игра на победа, така беше и против Словенија, така ќе биде и утре. – Казахстан не е репрезентација што треба да се потцени, утре ќе дадеме се од себе бидејќи овој натпревар не е безначаен. Наше е што подобро да се подготвиме за настапот на Европското првенство, – порача фудбалерот на Наполи. Секекторот Ангеловски најави дека на мечот со Казахстан ќе направи неколку промени, а каков ќе биде изгледот на стартната постава ќе дознаеме утре во 18 часот за кога е закажана пресметката на националната арена „Тодор Проески”.