Елмас: Треба да бидеме поофанзивни, ако не напаѓаш – не можеш да победиш!

28.05.2026 Maj Cetvrtok

Македонската репрезентација ќе одигра два пријателски натпревари кои ќе ги искористи за воигрување пред есенскиот настап во Лигата на нациите, каде што ќе биде во Б лигата.

Првиот дуел го играме против Босна и Херцеговина во Сараево, а на официјалниот тренинг своите очекувања ги сподели Ељиф Елмас. Тој вели дека новиот циклус, промените во тимот и новиот селектор бараат целосен фокус на играта и креирање на заеднички стил.

„Имаме нов селектор, ова е втор собир и има нови играчи. Најважно е да бидеме фокусирани на нас и на тоа што треба да го изградиме како репрезентација пред септемвриските натпревари. Нè очекуваат силни противници и мора максимално да се подготвиме. Очекувам да играме понапаѓачки, затоа што ако не напаѓаш, не можеш да победиш. Фудбалот бара баланс, некогаш треба сите да се браниме, а некогаш сите да нападнеме. Ќе биде важно како ќе ги спроведеме задачите што ќе ги добиеме од селекторот. Енис е многу важен за нас, како капитен и како човек во соблекувалната. Ќе недостасува на овие натпревари, затоа што и кога не игра, многу им помага на сите.Секогаш позитивно ги пречекуваме новите играчи, без разлика од каде доаѓаат. Кога се игра за Македонија, сите го даваат максимумот. Наша задача е да им помогнеме побрзо да се вклопат и да создадеме добра атмосфера како што беше и претходно“, изјави Елмас.

Дуелот против Босанците е на програмата в петок во 20:30 часот, додека вториот дуел со Турција е в понеделник.

Босна и ХерцеговинаМакедонија

• Ељиф Елмас