Елмас: Ова се дуели на кои можеме да согледаме некои недостатоци, можам да бидам уште подобар

Елиф Елмас го одигра скоро целиот натпревар против Финска, средба на која членот на Наполи беше еден од нашите најзапезени, најрасположени играчи за игра.

На крајот одигравме 1-1, резултат кој можеби е реален ако се согледа се што се случуваше на Националната арена „Тодор Проески“ на која ние ја контролиравме играта, имавме изгледни шани против ривалот кој играше на контри, ама во исто време не треба да се заборави дека Финците двапати ја погодија рамката од голот на Димитриевски.

-Нема простор за тагување, игравме, напаѓавме, но остана проблемот со реализацијата. Ама и тоа е дел од фудбалот. Ова се тест дуели на кои можеме согледаме некои недостатоци, да се поправат уште многу работи. Сплотени сме како тим, ни недостасуваат уште неколку клучни фудбалери. Финска е навистина една силна репрезентација. Ова беше добар натпревар, имаше недостатоци кои ќе мора да ги корегираме во иднина, рече Елмас кој говореше за неговата ситуација на клупски план.

-Се враќа во посакувана форма. Доста работи се променија во мојот клуб, играм повеќе, психички сум многу подобар, Можам многу повеќе и сакам да бидам на повисоко ниво, -заклучи Елиф.