Елмас за битката за скудетото: Наполи ќе оди на победа на сите натпревари

08.04.2022 April Petok

Македонскиот репрезентативец Елиф Елмас признава дека има посебно добар однос со тренерот на Наполи, Лучијано Спалети и најави дека тој и соиграчите ќе се обидат да стигнат до скудетото.

По триумфот над Аталанта во Бергамо, Наполи сега на домашен терен ја пречекува Фиорентина, уште еден незгоден противник со европски амбиции.

– Отидовме во Бергамо и знаевме дека ќе биде тежок натпревар, но игравме во наш стил и за среќа ги освоивме бодовите.

– Што се однесува до скудетото, сакаме да победиме на сите натпревари до крајот на првенството, веруваме дека поседуваме квалитет и имаме одличен тренер да ја освоиме титулата.

– Спалети ме почитува многу, истото важи и во спротивна насока, многу работи се променија по неговото доаѓање,- изјавил Елмас за радиото „Кис Кис“ од Неапол.

Наполи ја пречекува Фиорентина во недела од 15 часот.