„Експлозија“ на СП: Лајлс го урна рекордот на славниот Мајкл Џонсон од 1996. година

Ноа Лајлс е нов светски шампион на 200 метри, но стана и треетиот најбрз човек во светот на оваа делница, бидејќи за еден стоти дел од секундата беше подобар од својот славен сонародник.

Лајлс беше доминантен на финалната трка на 200 метри, а иако прво излезе време со кое го израмни националниот американски рекорд на Мајкл Џонсон од 1996-та година (19:32), потоа се промени времето на тајмерот.

Официјалното време на Лајлс беше 19:31, со што го урна светскиот национален рекорд поставен од славниот Мајкл Џонсон пред 26 години и стана најбрз Американец на 200 метри во историјата.

Корекцијата на времето му донесе голема радост, но го смести и на историскиот пиедестал на третото место, зад недопирливиот Јусеин Болт и Јохан Блејк.

Во женска конкуренција победи Шерика Џонсон, која пак истрча второ најдобро време во историјата на 200 метри, завршувајќи ја делницата за 21:45 секунди.