Еден ден по отказот, Руни пред тренерски ангажман во Англија

Вејн Руни вчера заработи отказ од Ди-Си Јунајтед откако тимот не се пласираше во МЛС плејофот, но само еден ден подоцна, се погласни се вестите дека легендата на Манчестер Јунајтед е пред враќање во Англија.

Руни веќе неколку години е дел од тренерскиот занает и Америка беше прва негова интернационална авантура, меѓутоа последните вести велат дека незаборавниот голгетер сега е пред ангажман во Бирмингем.

Вејн работеше во Чемпионшип и доста долго го водеше Дерби пред да замине во МЛС лигата, а последните информации од Островот велат дека тој започнал преговори за преземање на тимот кој ова утро остана без менаџер.

Бирмингем ја извести јавноста дека е дојдено до разделба со Џон Јустис, па Руни би требало да го замени и да почне со тренинзите на првиот тим за време на оваа репрезентативна пауза.

Руни работеше во Дерби до 2022-ра година, а во Бирмингем би имал цел да го однесе тимот во Премиер лигата со оглед на тоа што „сините“ во овој момент се на шестото место на табелата.