Дурент отвори „војна“ со НБА легендата: Никогаш нема да ги почитувам зборовите кои излегуваат од тво

Дурент отвори „војна“ со НБА легендата: Никогаш нема да ги почитувам зборовите кои излегуваат од твојата уста (Фото) Чарлс Баркли секојдневно ги анализира случувањата во НБА лигата преку позната емисијата „ТНТ“ која ја води заедно со Шекил О’Нил, но во последно време, доста често знае да го прозива Кевин Дурент.

Легендарниот Чак не штедеше критики за Дурантула и го посочи како играч кој не знае да трпи критики, што направи двајцата да влезат во отворена „војна“ на зборови.

– Дурент е добар играч, но многу чувствителен. За жал, тој е дле од генерацијата на играчи кои сметаат дека не може да бидат критикувани. Не се гледа во огледало и не се прашува „дали критиките се заслужени“, – порача Баркли.

Овие зборови на Чак предизвикаа реакција на Дурент преку социјалните мрежи, кој не чекаше многу за да одговори и тоа го направи на доста дрзок начин.

– Чак не се изморува? Никогаш нема да ги почитувам зборовите кои излегуваат од твојата уста. Мора да го прифатиш тоа, – возврати Дурент.