Досега необјавениот роман на Леонард Коен пред читателите во октомври

Досега необјавениот ракопис на поетот и музичар Леонард Коен (1934-2016) со наслов „Балет на лепрозни: роман и приказни“ треба да се појави пред читателите наесен.

Својот литературен живот Коен го започнал многу рано, во 1956 година, кога на седумнаесет години ја објавил својата прва збирка поезија „Да споредиме митологии“, а истата година го напишал романот во Монтреал, пишува Гардијан.

“Дедо дојде да живее со мене. Немаше каде да оди. Што се случи со неговите деца? Смрт, пропаст, егзил – не би знаел што да кажам”, започнува “Балетот на лепрозните”, кој ја раскажува приказната за 35-годишниот.продавач кој прифаќа дедо му да живеат заедно во тесен пансион. Насилниот дедо ќе ја разбуди агресијата кај нараторот, кој останува неименуван. Се вели дека приказната се занимава со „токсичните врски и колку далеку луѓето се подготвени да одат за да одржуваат врски“, а целата збирка трудови истражува теми како што се срам, осаменост, сексуална желба, копнеж за љубов, семејство, слобода и трансцеденција.

Новото издание, кое треба да биде објавено во Британија на 11 октомври, вклучува и 15 раскази, сценарио за радио драма, заедно со краток роман што издавачите двапати го одбиле.

Оваа збирка дела ја собра Александра Плесојано, која ги проучува опусите на Коен.

Коен сметаше дека „Балет на лепрозни“ е подобар од неговиот роман „Омилена игра“, за кој ја доби наградата за литературен натпревар во Квебек во 1964 година, годишна канадска книжевна награда за англиски писатели.

Постхумно беше објавена збирка проза, поезија, извадоци од дневник и цртежи со наслов „The Flame“, како и последниот студиски албум на Леонард Коен „Thanks for the Dance“.