Дончиќ со докторска партија го упропасти дебито на Вембанјама во НБА лигата (Видео)

Виктор Вембанјнама се покажа одлично на подготовките за новата сезона, но тест натпреварите се едно, а официјалните нешто сосема друго.

Фантастичниот Французин одигра 23 минути на првиот официјален натпревар во најсилната кошаркарска лига во светот, но бидејќи рано си направи проблем со лични грешки, имаше доста подеми и падови и на крајот заврши со 15 постигнати поени, 5 скокови и 3 асистенции во поразот од 119:126.

Со овој учинок беше четврт најдобар поентер во својот тим, но Сан Антонио загуби на домашен терен од Далас, тим во кој посебно се истакна најголемата ѕвезда.

Лука Дончиќ го упропасти дебито на Вембанјама со докторска партија во свој препознатлив стил, па така мечот го заврши со трипл-дабл и МВП издание.

Словенецот запиша 33 поени, 10 скокови и 13 асистенции и беше убедливо најдобар на паркетот, а добра вест за него е што почна да се воигрува и со Кајри Ирвинг кој утрово постигна 22 поени.

НБА резултати:

Шарлот – Атланта 116:110

Индијана – Вашингтон 143:120

Њујорк – Бостон 104:108

Орландо – Хјустон 116:86

Бруклин – Кливленд 113:114

Мајами – Детроит 103:102

Торонто – Минесота 97:94

Чикаго – Оклахома Сити 104:124

Мемфис – Њу Орлеанс 104:111

Јута – Сакраменто 114:130

Сан Антонио – Далас 119:126

ЛА Клиперс – Портланд 123:111