Домот на културата во Кисела Вода именуван по Билјана Беличанец

Домот на културата во општина Кисела Вода во иднина ќе го носи името на актерката и поранешната градоначалничка на оваа скопска општина Билјана Беличанец.

„Општина Кисела Вода, градоначалник, ми го стопливте срцето“, напиша на својот фејсбук профил актерот Рубенс Муратовски кој ја објави веста

Билјана Беличанец беше македонска театарска, телевизиска и филска актерка. Во својата кариера имаше реализирани бројни главни и споредни улоги во повеќе театарски проекти во Драмски театар и други инстутуции и проекти. На градоначалничката позиција во општина Кисела Вода беше во периодот од 2013 до 2017 година.

Две години по завршување на мандатот, во 2019 година беше пронајдена почината во својот стан. Според информацијата на полицијата, стануваше збор за самоубиство.