Директорот на „Disney“ призна дека нивните филмови повеќе не се добри: „Го изгубивме фокусот“

Дебатата за оригиналните филмови на „Disney“ сè уште трае, а сега во разговорот се вклучи и извршниот директор на компанијата.

Во последните неколку години видовме преработки на „The Little Mermaid“, „The Jungle Book“, „Beauty and the Beast“, „Dumbo“, „Aladdin“ и „Pinocchio“. Покрај тоа, многу римејкови веќе се во подготовка, вклучувајќи ја и адаптацијата на Гај Ричи на Херкулес и верзијата на Снежана и 7-те џуџиња на Грета Гервиг, која веќе се соочи со многу контроверзии. Многу обожаватели на „Disney“ го нападнаа мултинационалниот медиумски гигант, обвинувајќи го дека не може да развие оригинални идеи. „Новите филмови на „Disney“ не може да се споредат со филмовите направени во 90-тите и раните 2000-ти“, напиша еден корисник на „X“. „Значи...сите контроверзии настрана...зошто треба да ги преправаме сите филмови на „Disney“? Нема нови идеи?“, додаде уште еден. „Значи, „Disney“ само повторно ќе ги снима старите филмови? Зарем нема млади сценаристи/продуценти/режисери кои можат да создадат нови филмови?“, прашал трет. Компанијата претрпе големи загуби на благајните во последните години Оваа недела, извршниот директор на „Disney“, Боб Ајгер, самиот призна дека постои причина зошто филмовите произведени од забавната компанија се чини дека ја немаат магијата како порано. „Свесен сум за фактот дека нашата изведба, од перспектива на квалитет, не беше во согласност со стандардите што самите си ги поставивме“, рече Ајгер за време на разговорот за приходите на „House of Mouse“ во четвртиот квартал. Покрај преработките, „Disney“ претрпе големи загуби на кино благајните во последниве години со филмовите како што се „Elemental“, „Ant-Man and The Wasp: Quantumania“ и „Indiana Jones and The Dial of Destiny“ кои потполно финансиски потфрлија. Првиот мандат на шефот на „Disney“, Ајгер, како извршен директор на компанијата е дефиниран со успесите на бокс-офисот како што се „Frozen“, „The Avengers“ и „Black Panther“ - еден од највисоко оценетите филмови на „MCU“. Признавајќи дека неодамнешните филмови не се споредуваат со оние од неговата рана кариера, Ајгер рече: „Квантитетот всушност може да биде негативен кога станува збор за квалитетот, и мислам дека токму тоа се случи. Изгубивме дел од фокусот“. Ајгер потоа откри дека планира да го ревидира филмското студио со тоа што ќе биде поселективен во однос на продолженијата што се произведуваат и новите оригинални филмови што ги претставува „Disney“.