Димитриевски: Кога и да сум на прес имам „чиста мрежа“, нека биде така и сега! Фудбал Македонија-Велс 25.03.2025 Март Вторник Стадион Тодор Просеки Скопје Македонија

24.03.2025Mart Ponedelnik

Македонската фудбалска репрезентација имаше малку време за рекуперирање на силите по победата над Лихтенштајн и веќе утре ја очекува пресметката со Велс од второто коло на квалификациите за следниот Мундијал.

На средбата со новинарите пред мечот освен селекторот Милевски зборуваше и голманот Столе Димитриевски, кој кажа:„Пред натпреварот со Лихтенштајн беше доста тешко поради трагедијата. По случувањата во претходните денови ми беше тешко да заспијам, бидејќи бев емотивен по тоа што го видов. Сега ова што ни следува, на Македонија и овој народ му е потребен љубов. Треба да бидеме сплотени и сите заедно, целиот народ. Во овој момент не помага ништо, па можеме да дадеме само љубов. Мојата порака до народот е да бидеме сплотени. Секогаш кога доаѓав на прес-конференции имавме „чиста мрежа“, ајде нека биде така и против Велс. Нека биде ова нова среќа. Би сакал да имаме нов добар натпревар, работиме на тоа и подготвени сме. Ако успееме да се одбраниме имаме најмалку реми, а зошто да не дојдеме и до победа“.