Дибиров ќе „лета“ со Загреб уште две години

Тимур Дибиров за неколку месеци ќе го прослави 40. роденден (30 јули), но ветеранот не размислува за пензија и најдобар доказ за тоа е последната информација која ни дојде од Хрватска од неговиот клуб ППД Загреб.

Популарните плинари соопштија дека левото крило се согласило за продолжување на соработката за уште две сезони што значи дека Русинот ќе биде активен најмалку до 42 година. Со ова Дибиров дополнително ќе го продолжи престојот на Балканот каде девет години беше дел од најдобриот македонски клуб Вардар за да од 2022 година се пресели во Загреб.

Хрватскиот прволигаш воедно објави дека на нов договор се согласил и Паоло Краљевиќ.