Ди Каприо и Скорсезе го подготвуваат осмиот заеднички филм: Драматична приказна за бродолом и бунт

Иако нивниот последен филм „Убиство под цветната месечина“ се уште не стигнал во светските кина, Мартин Скорсезе и Леонардо ди Каприо планираат нова соработка. Потврдено е дека режисерот и актерот веќе ги купиле правата за уште една книга на Дејвид Грин наречена „The Wager: A Tale of Shipwreck, Mutiny and Murder“, пренесува Far Out Magazine.

Книгата е објавена во април годинава и слично како „Убиства под цветната месечина“ е нефикциско дело кое опишува историски настан.

Во центарот на приказната е бунтот на британскиот брод HMS Wager, кој се случил во 1740 година. Сè започнува со 30 прегладнети мажи заглавени на брегот на Бразил. Тие биле дел од екипажот кој бил во потера по шпански брод, пред тој да потоне.

Мажите се прогласени за херои затоа што успеаа да ги преживеат суровите услови на океанот, но сè се промени кога шест месеци подоцна, тројца мажи пристигнаа на брегот на Чиле и ги обвинија за бунт.