Дејвис пред пресметката со Вориорс: Знаеме која е главата на нивната змија

Составот на Лос Анџелес Лејкерс ќе мора да мине низ плеј-ин фазата за да обезбеди место во плејофот, а првата можност да го направи тоа е против Голден Стејт Вориорс.

Тоа е екипа која знае да биде незгодна иако сезонава одново не игра Клеј Томпсон, ама затоа е тука Стеф Кари кој блескаше цела сезона и е меѓу кандидати за МВП наградата.

-Знаеме која е главата на нивната змија, тоа е Стеф. Мораме да дадеме се од себе за да го запреме. Тоа ќе биде тимски напор, нема притисокот само да биде на бековите. Мораме постојано да го држиме на око. Ги држеше живи цела сезона, добиваше мечеви кои луѓето мислеа дека ќе ги загубат. Макотрпно работеше за да ја стави екипата во игра за плејофот, -истакна Ентони Дејвис.

Свесен за предизвикот е и плејмејкерот Денис Шрудер.

-Тој е најдобриот шутер во историјата на кошарката. И да шутира од половина терен е добар шут за него. Наша работа е да му отежнеме колку што можеме, секогаш да бидеме блиски и да ги ограничиме неговите тројки, -вели Германецот.

Лејкерс добро го затвори Кари во мечевите од регуларниот дел, имаше просек од 23 кошеви со прецизност од 42.3 проценти.

Победникиот од оваа битка ќе обезбеди место во плејофот како седмопласиран и ќе игра против Феникс Санс. Поразениот пак ќе игра со победникот од Мемфис-Сан Антонио за позицијата број осум на Западот.