Дејвис за катастрофалната сезона на Лејкерс: Си поставувам само едно прашање

Лос Анџелес Лејкерс игра катастрофално во оваа сезона, а по најновиот пораз на домашен терен од Денвер Нагетс од 129-118 речиси е и невозможно да дојде до плејин фазата што е вистински дебакл со оглед на тоа што оваа екипа беше создадена, формирана за да се бори за пехарот во НБА лигата.

Меѓутоа очекувањата се едно, реалноста друго, а во целата ситуација улога одиграа повредите на важните играчи како Ентони Дејвис и Леброн Џејмс. Центарот пропушти 39 од 78 средби поради повреда, па токму Дејвис призна дека си го поставува прашањето што би можеле да направат ако едноставно сите биле здрави, фит во оваа кампања.

-Мислам дека најголемата работа за која размислувам лично е тоа што можевме да бидеме, доколку останевме здрави цела година. Што можевме да бидеме… Момците се чувствуваат како „Во ред, што можевме да бевме ако бев јас бев здрав цела година, Џејмс беше здрав, Нан беше здрав. Размислувате за тие работи. Го составивме овој тим и изгледаше добро на хартија, но немавме шанса да го достигнеме тој потенцијал со момци во и надвор од составот. Така најфрустрирачкиот дел од оваа сезона е тоа што не сме сигурни што можевме да бидеме, -истакна Дејвис.

Лејкерс со учинок 31-47 е на 11 место на Западот.