Десет луѓе ја дочекаа Новата година во вселената, најмногу досега

Новогодишната ноќ која го означи почетокот на 2022 година во орбитата околу Земјата за прв пат беше дочекана од десет „Земјани“, седум на Меѓународната вселенска станица и тројца на кинеската вселенска станица „Тиангонг“. Ова беше најмногубројната новогодишна гозба во орбитата во историја на светската астронаутика со човечки екипаж – се вели во соопштението на „Роскосмос“.

Од „Роскосмос“ додаваат дека во изминатите 21 година, 83 луѓе ја дочекале Новата година на Меѓународната вселенска станица, а некои од космонаутите и астронаутите и повеќе од еднаш. Рускиот космонаут Антон Шкаплеров доега прославил четири нови години во орбитата – 2012, 2015, 2018 и 2022 година.

На Меѓународната вселенска станица моментално се космонаутите Антон Шкаплеров и Петар Дубров, астронаутите на НАСА Марк Ванде Хаи, Томас Маршбурн, Раџа Чари, Кајла Барон и астронаутот на ЕСА Матијас Маурер, а на кинеската станица се Џанг Џанг, Ванг Јапинг и Је Гуангфу.