Депај не се појави на тренингот на Барса, се сели во Атлетико за смешна сума!

Атлетико Мадрид и Барселона изминативе два дена преговараа за размена на Јаник Караско и Мемфис Депај, но како што стојат работите, по се изгледа на крајот ќе видиме два поединечни трансфери.

Поблиску до реализација е оној на холандскиот репрезентативец, кој ова попладне не се појавил на предвидениот тренинг на Барселона и јасно е дека ги комплетира завршните детали за премин во шпанската престолнина.

Депај западна во втор и трет план оваа сезона во ротацијата на Чави Ернандес и смета дека е вистинско време да си замине од „Камп Ноу“, а угледните медиуми од Мадрид и Каталонија сега информираат дека операцијата е прилично завршена.

Мемфис се очекува да биде потврден во ново засилување за Атлетико во наредните неколку часа, со тоа што висината на отштетата која ќе ја платат „душекџиите“ е нависитна смешна.

Барселона со двегодишниот договор кој му го понуди на Депај во 2021-ва година ризикуваше да го загуби напаѓачот во вакви услови, па Атлетико ќе плати само 3 милиони евра за неговиот ангажман.

Откако ќе се комплетира трансферот на Мемфис, за очекување е да се интензивираат преговорите и за трансферот на Караско во спротивен правец.