ДЕНЕСКА Е ПРВИОТ ДЕН НА ПРОЛЕТТА! Зошто со години наназад доаѓа порано?

20.03.2024 Mart Sreda

Пролетта почна денеска во 04:06 часот, а во истовреме на Јужната хемисфера почнува есента. Пролетта ќе трае 92 дена до 20 јуни кога ќе почне летото.

На првиот ден од пролетта, Сонцето во Скопје изгреа во 5 часот и 37 минути, а ќе зајде во 17 часот и 46 минути. Денов ќе трае 12 часа и 9 минути.

Иако на училиште не учеа дека пролетта започнува на 21 март, во последните две децении пролетта ни доаѓа на 20 март.

Експертите открија дека пролетта доаѓа еден ден порано околу дваесет години поради два различни методи за одредување на почетокот и крајот на годишните времиња: метеоролошки и астрономски.

Според првиот метод – метеоролозите го забележуваат годишното намалување и зголемување на температурата и состојбата на атмосферата. Ова се одредува климатолошки, со следење на температурната статистика, и координирано според календарот, за да се подели годишните времиња на четири квартални сезони.

Според овој метод, секоја сезона трае три месеци.

Вториот, астрономскиот метод, се базира на астрономските сезони и се однесува на положбата на орбитата на Земјата во однос на Сонцето.

Според овој метод, астрономскиот календар ги одредува годишните времиња според тоа кога оската на ротација на Земјата е на 23,5 степени во однос на нејзината орбита околу Сонцето, пренесува Индекс.хр.

Инаки, на првиот ден на пролетта синоптичарите за денеска најавуваат студено утро, а преку ден сончево со појава на мала облачност. Ќе дува слаб до умерен, наместа долж Повардарието повремено засилен ветер од северен правец. Минималната температура ќе биде во интервал од 2 до 9, а максималната од 11 до 18 степени.