Деми Мур му посака среќен роденден на Брус Вилис

Деми Мур сподели симпатична објава на „Твитер“ за да го одбележи роденденот на поранешниот сопруг Брус Вилис, кој во саботата наполни 67 години. Истиот ден 59-годишната актерка сподели фотографија на која таа и Брус се смеат во кујната додека Деми во раката држи печурки на штица за сечкање. „Среќен роденден, Брус! Благодарна за нашето мешано семејство“, напиша ѕвездата на „Непристоен предлог“. Деми и Брус беа во брак од 1987 до 2000 година и имаат три ќерки – Румер (33), Скаут (30) и Талула (28).