Дел Пјеро воодушевен од новата ѕвезда во Серија А: Тој е создаден за да успее во Европа

Новата сезона во Лигата на шампионите започнува вечерва, а во пресрет на првите големи возбудувања во Еевропа во месец септември, со интересна и исрцпна анализа на италијанските екипи излезе Алесандро Дел Пјеро.

Италијанците имаат се помало значење во најелитното натпреварување веќе неколку години наназад и Јувентус е единствениот кој стигнал до завршната фаза, но токму „старата дама“ веќе некое време е далеку од вистинскиот сјај и бележе пад со елиминации уште во првата нокаут рунда.

Дел Пјеро верува дека тренерот Алегри и играчите на Јувентус мора да го подигнат нивото доколку сакаат да парираат во Европа, но од нив бара да ја подобрат и играта која делува доста разочарувачка на стартот на сезоната.

– Пораз од ПСЖ вечерва нема да биде драма, но негативно и лошо издание би било тежок удар. Јувентус не игра убедливи натпревари и во овој меч треба да влезе со голем мотив. Италијанците отсекогаш биле свесни дека не секогаш победува подобриот тим. Јувентус има силен тим, кој ќе биде уште посилен со Погба и Киеза. Не се во пол позиција за трофејот во Европа, не се ниту во втор ред од фаворитите, но можат да се натпреваруваат. Имаат тим за да бидат конкурентни и во Италија и во Европа. Мора да истапат и играчите, вистина е дека имаше транзиција, но веќе не треба да чекаат некој да ја заврши работата за нив. Тие се протагонисти и треба да истапат, никој нема да ја заврши работата за нив.

– Оваа година очекувам добри настапи и од Милан во Лигата на шампиони. Многу ми се допадна Милан минатата сезона, без оглед на раната елиминација во групите. Го задржаа тимот, а играчи како Де Кетелар и Леао можат да бидат клучни во Лигата на шампион. Интер дефинитивно ќе мора да се поправи во одбрана за да има шанса во тешката група со Барселона и Баерн. Партнерството на Лаутаро и Лукаку може да биде клучно за Интер, – додава Дел Пјеро, кој за крај смета дека Наполи е посилен од лани поради новата ѕвезда, Квича Кварарцхелија.

– Наполи не е послаб од лани со заминувањето на Кулибали. Сосема спротивно, Наполи е подобар. Го почитувам Спалети и секогаш има правилен менталитет. Добија талент како Кварацхелија. Тој е непредвидлив и е создаден за да успее во Европа, – завршува Дел Пјеро.