Деко директен: Не можеме да најдеме замена за Гави, нема таков играч на пазарот

Барселона ја очекуваат многу предизвици во оваа сезона, но сите нив ќе мора да ги помине и надмине без услугите на младиот Гави кој заработи потешка повреда играјќи за Шпанија и сега го очекува долга пауза од фудбалските терени.

Гави е многу важен играч за каталонците и покрај неговата младост и останува да се види како Чави и Барселона ќе се снајдат без неговите услуги во ситуација кога екипата нема некој широк ростер, поточно играч со такви карактеристики.

Во јавноста веќе почнаа да излегуваат некои имиња кон кои Барса би можела да се сврти во јануарскиот преоден рок за да сега спортскиот директор Деко се огласи и објасни некои работи.

-Гави е играч кој не може да се замени. Нема играч на пазарот кој може да ја заврши неговата работа, ниту ментално, ниту со неговите способности. Да се зборува за замена за Гави е грешка. Грешка е да се смета дека ќе најдеме играч што ќе го замени. Нема да најдеме.

-Нема да лудуваме со повредата на Гави. Жално е за него, за нас како клуб, но нема да најдеме замена. Многу сме тажни, но сигурен сум дека ќе се врати силен, ќе закрепне. Тој е младо дете кое има неверојатна сила, а она што ќе го направиме е да му помогнеме да се врати силен, одвојувајќи колку што е потребно време да се опорави. Тоа е најважно, -порача Деко.