Двојничката на кралицата заминува во пензија по 34 години

Двојничката на кралицата Елизабета Втора рече дека одлучила да ја напушти работата по 34 години, „од почит“ кон една од најдолговладејачките монарси, која почина мината недела. Но таа, сепак, ќе ја чува „кралската“ облека како спомен на жената што ја чувствувала како член на семејството.

Мери Ренолдс (89), која живее во Епинг, Есекс, за првпат станала двојничка на кралицата во 1988 година, но всушност првпат ѝ било кажано дека многу личи на кралицата кога имала 17 години.

Таа се појави на телевизија и на филм, а еден од нејзините значајни моменти е главната улога во комедијата „Булси“ од 1990 година наспроти покојниот сер Роџер Мур, како и појавувањето во серијата „Доктор Ху“.