Две титули за Македонија на „Мис Европа 2024“ во Либан

18.03.2024 Mart Ponedelnik

Во Бејрут, Либан, неодамна се одржа изборот за „Мис на Европа 2024“ на кој Македонија имаше две претставнички, 20-годишната Ева Јовановска од Тетово и Каролина Јанчовска (21) од Скопје. Двете од Либан се враќаат со титули: Ева ја освои титулата четврта придружничка, а Каролина со титулата „Мис на елеганција“.

Каролина Јанчовска со титулата Мис на елеганција/Фото: Модно студио „Црнокрак“

Победничка, односно новата „Мис на Европа“ е претставничката на Русија, Прва придружничка е Белорусија, а титулата Втора придружничка ја освои Украинката.

Двете македонски убавици се дел од модното студио „Црнокрак“.

Инаку, изборот за убавина кој традиционално векје со години се одржува во Бејрут, Либан е во организација на „Стајл евентс“ (Style Events Organization).

Нашите девојки на финалето се претставија во модели на Елена Лука, специјално изработени за оваа прилика.