Дарио Ивановски ќе ги трча улиците во Бирмингем на 16 август

06.08.2026 Avgust Cetvrtok

Македонскиот атлетичар Дарио Ивановски ги одбројува последните десет дена до настапот на Европското првенство во атлетика, кое од 15 до 17 август ќе се одржи во Бирмингем, Обединетото Кралство.

Ивановски ќе настапи на 16 август во 08:10 часот во својата најсилна дисциплина, маратонот, како единствен македонски атлетичар кој обезбеди норма за континенталниот шампионат во 2026 година.

Ова ќе биде неговиот 55. настап во дресот на македонската репрезентација, воедно и 12. сезона во која настапува како професионален спортист.