Данците промашија три пенали, Чешка по вторпат ќе игра на Мундијал!

31.03.2026 Mart Vtornik

Фудбалската селекција на Чешка ќе патува преку Атлантикот, откако во спектакуларно финале во плеј-офот по изведувањето на пеналите беше поуспешна од Данска. По 90+ минути игра резултатот во Прага беше 1-1, а потоа падна уште по еден гол на двете страни, додека во пенал-серијата Чешка славеше со 3-1.

Резултатот во Прага беше отворен уште во третата минута, откако патот до голот го пронајде Павел Шулц со удар од шеснаесетникот во мрежата на гостите за 1-0. Веднаш потоа Данците презедоа контрола врз натпреварот, па шанси имаа Фрохолдт и Исаксен, меѓутоа голманот Ковар ги одбрани нивните удари. До полувремето Чесите можеа да удвојат по ударот на Лукас Провод, меѓутоа биеше крај левата статива. 

Во вториот дел темпото на игра се промени и падна, а подобро се снајдоа Данците кои успеаја да се вратат во натпреварот. Течеше 72. минута кога Микел Дамсгард убаво нафрли, а Јоаким Андерсен со глава го матира голманот на домашната екипа за израмнувачки 1-1. До крајот на регуларното време немаше промени во резултатот и мечот прејде кон продолженијата.

Првото возбудување во дополнителните триесет минути донесе нова огромна радост на трибините во Прага. Крејчи најдобро се снајде во мешаницата пред гостинскиот гол и со помош на гостинскиот блог погоди за враќање на водството на Чешка од 2-1. До крајот на првото продолжение Данска се закани преку Хојбјерг, но ударот на членот на Олимпик Марсеј заврши покрај домашниот гол. 

На стартот од вторите 15 минути Ример шанса му даде на напаѓачот на Боде/Глимт, Каспре Хог, кој уште при првата можност ги покажа своите голгетерски способности и со прекрасен погодок со глава израмни на 2-2 и возбудливиот дуел во Прага замина во пенали. Поуспешни во ударите од единаесет метри беа домашните фудбалери кои славеа со 3-1 (Данците промашија три пенали) и по вторпат во својата историја ќе играат на еден Мундијал.