Данска ефикасно ја почна одбраната на олимпиското злато

РАКОМЕТ

Првиот ракометен ден на машкиот турнир на Летните олимписки игри (ЛОИ) во Токио помина без изненадувања кога се во прашање резултатите, меѓутоа актуелниот светски и олимписки првак, Данска, приреди вистински спектакл, во кој по 60 минутна игра беа соборени два рекорда. Во дуелот со домаќинот Јапонија, Данците славеа со 47-30, одигрувајќи го најефикасниот меч на ЛОИ досега, со 77 постигнати гола. Претходниот рекорд го држеа селекциите на Шпанија и на Бразил, кои на ЛОИ 2008 постигнаа 71 гол (36-35). Со 47-те гола против Јапонија, Данска стана и рекордер според бројот на постигнати погодоци на еден олимписки меч, соборувајќи ги досегашните рекорди на Франција и на Шведска, кои имаа по 44 реализации на еден дуел.

ПРВО КОЛО

Норвешка – Бразил 27-24 Франција – Аргентина 33-27 Германија – Шпанија 27-28 Шведска – Бахреин 32-31 Португалија – Египет 31-37 Данска – Јапонија 47-30 ВТОРО КОЛО, ДЕНЕСКА Бразил- Франција 2 ч. Аргентина – Германија 4 ч. Шпанија – Норвешка 9.15 ч. Египет – Данска 7.15 ч. Бахреин – Португалија 12.30 ч. Јапонија – Шведска 14.30 ч.